По контроверзната објава за „Голема Албанија“, британската пејачка со косовски корени Дуа Липа на Instagram порача дека „сите заслужуваме да бидеме горди на своето потекло“.
„Намерите од мојот претходен пост не беа да предизвикам омраза. Многу сум тажна и лута што мојата објава беше погрешно сфатена од страна на некои групи и поединци кои промовираат едничка раздвоеност, нешто што јас строго го одбивам. Секој пат кога објавувам нешто за Косово, во коментарите се случува хаос, дури и ако станува збор за убави работи како што се храната и музиката. Се среќавам со силен отпор кон автентичната албанска култура“, наведе таа во објавата и додаде:
„Сите заслужуваме да бидеме горди на своето потекло, за местото од кое потекнуваме. Само сакам мојата земја да биде претставена на картите и да можам со гордост да зборувам за моите албански корени и родната земја. Мир, љубов и почит кон сите“, напиша британската пејачка, родена на 22 август 1995 година во Лондон, од родители кои заминале од Косово во 1992 година.
