Големи проблеми за селекторот Кирил Изов пред утрешниот тежок дуел со фаворитот Франција откако на и онака крпениот состав мораше да прави дополнителни измени откако скринингот откри 7 COVID-19 позитивни фудбалерки.
„Седум фудбалерки од македонската женска репрезентација добија позитивни резултати од првиот скрининг тест на вирусот COVID-19. Без никакви симптоми на COVID-19 во самоизолација се две фудбалерки од Саса и пет фудбалерки од Тиверија“, информира ФФМ.
Поради позитивните случај, селекторот Изов дополнително повика нови фудбалерки да ѝ се приклучат на репрезентацијата.
Новоповикани се:
Сара Коларовска - Скопје 2014
Афродита Салихи - Скопје 2014
Драгана Гегова - Скопје 2014
Елена Петровска - Скопје 2014
Сара Хусеин - Истатов
Ана Милчевска - Истатов
Квалификацискиот натпревар меѓу Македонија и Франција се игра утре на „Тоше Проески“ во Скопје со почеток од 21:00 часот. Директен пренос ќе врши МРТ3.