Шест лица, меѓу кои две деца, загинаа во торнадо во близина на Де Мојн, Ајова, пишува CNN.
Четири лица се хоспитализирани, едно се бори за живот, а тројца се во тешка состојба.
Двете деца кои загинаа се на возраст под пет години, соопштија локалните власти од округот Медисон, кој беше погоден од торнадото.
„Мислам дека ова е најлошото што сме го виделе“, додаваат тие.
Торнадото беше со јачина EF3, со ветрови од најмалку 220 километри на час.
Се проценува дека е причинета сериозна штета на повеќе од дваесет куќи.
Гувернерката на Ајова, Ким Рејнолдс, прогласи состојба на катастрофа во округот Медисон, велејќи дека таа и нејзиниот сопруг се молат за загинатите и повредените во торнадото.
