Двејн Џонсон, познат како The Rock, го припишува својот успех на неверојатната работна етика што ја научил од татко му.
Како борач, пред секој меч се молел за сила да остави сѐ во рингот. Таквата посветеност и труд започнуваат со цврст став.
Актерот неодамна сподели едноставен трик кој секоја ситуација ја трансформира во позитивно искуство. Тој ја заменува фразата „морам да“ со „имам можност да“.
Овој тип на преобликување го користат луѓе кои практикуваат позитивна психологија, па Џонсон веројатно не го смислил самиот. Но, одлично е што може да ја искористи својата огромна платформа за да ја сподели со луѓе кои можеби не се запознаени со неа.
На својот профил на Instagram тој им се обрати на следбениците: „Ќе споделам со вас филозофија која ми помогна да постигнам одреден успех во текот на годините. Кога станува збор за напорна работа и работи за кои сум страстен - пред неколку години престанав да велам ‘морам да’ и почнав да кажувам ‘имам можност да’“, вели Џонсон.
„Тоа е голема психолошка промена во начинот на кој пристапувате кон секојдневните срања што треба да ги направиме. Имам можност да тренирам напорно и да се туркам надвор од границите. Имам можност да изгубам и да се вратам посилен. Имам можност да бидам најупорниот работник во просторијата“, вели тој во објавата.
Тој продолжи: „Затоа што кога имате можност да ги правите работите што ги сакате - тоа е привилегија. Обидете се да го трансформирате ‘морам да’ во ‘имам можност да’ и почнете да ја чувствувате таа моќ, благодарност и раст.“
Филозофијата на Џонсон не функционира само за луѓе на кои им е потребна мотивација да постигнат успех во теретана. Може да се користи за какви било животни предизвици што вообичаено ги правите неволно и без самодоверба, за да си дадете шанса да растете и напредувате.
Фокусирањето на негативните аспекти на предизвикот нè спречува да ги видиме можностите или едноставно да уживаме во моментот.