Лутината е емоција кои некои одлично ја контролираат, а некои едноставно не можат да се воздржат. Кога станува збор за децата, најчесто лутината ја доживуваат како излив на бес.
Како треба да постапат родителите во овој случај?
Амбика Агарвал е експерт за невро-лингвистичко програмирање и животен тренер за личен развој, а на Instagram честопати споделува искуства од нејзиното мајчинство и споделува совети како подобро да ги градиме меѓусебните односи.
Неодамна проговори за двете најчести причини поради кои децата често се лутат.
Според нејзиното мислење, незадоволените потреби се една од примарните причини кои се зад детските проблеми со лутината. Незадоволени потреби се оние кои не се исполнети или се занемарени.
Уште една причина што ја издвојува е тоа дека лутината е недостиг на моќ, што значи дека децата немаат право на глас или дозвола над тоа што го сакаат. Тоа може да биде особено вознемирувачки за децата, бидејќи сакаат да се изразат, но понекогаш не знаат со кои зборови тоа да го пренесат по што го прават истото во облик на лутина или бес.
Препорачува во вакви ситуации да останете присебни и мирни, да не одговорите со истиот тон како детето. Советува да не реагирате бесно и да не го сфаќате лично однесувањето на детето.
Наместо тоа, ги советува родителите да ги препознаат ваквите моменти, давајќи им одредена моќ на избор и учејќи ги на примерно однесување кога се мирни.
