Англискиот фудбалски судија Мајк Дин на крајот на оваа сезона ќе ја заврши професионалната кариера, пишува BBC.
Дин е еден од најпознатите, но веројатно и најомразените судии во историјата на фудбалот. Првиот натпревар го судеше во 2000 година.
Сепак, неговата кариера е одбележана со голем број контроверзни одлуки како и расправи и караници со противничките тренери, кои често беа незадоволни од неговите чудни критериуми.
Според BBC, врвот било финалето на ФА купот во 2008 година, како и финалето на Лига на купот кое го судел три години потоа. Познат е и како судија кој со давање жолти картони сака да го држи натпреварот под контрола.
Покрај тоа, во историјата влезе како прв судија кој ја надмина границата од дури 100 доделени црвени картони, до денешен ден има доделено 117.
Се наведува дека кариерата би можел да ја продолжи како експерт во ВАР собата.