Скарлет Јохансон е актерката со најголема заработка на сите времиња, а таа е и на врвот на листата која вклучува неколку прилично познати личности од светот на филмот.
Јохансон глумеше во вкупно 33 филмови, со просечна заработка од повеќе од 440 милиони долари. На листата се вклучени и други актери кои глумеле во повеќе филмови со помала просечна заработка и оние кои глумеле во помалку филмови, но имаат повисок просек.
Интересно е што на оваа листа водат актерите кои играа улоги во филмот „Avengers: Endgame“.
Заедно со Јохансон во тој филм се појави и Роберт Дауни Џуниор. кој е на второто место, Семјуел Л. Џексон на третото место, како и Крис Хемсворт на петтото место, Крис Прат на шестото и Крис Еванс на осмото место.
Кога станува збор за актери кои не беа дел од кастот за овој филм, Зои Салдана е на четвртото место, со нејзината улога во „Avatar“ што придонесе за нејзината вкупна заработка, како и Том Круз на седмото, Том Хенкс на деветтото и Вин Дизел со кој се заокружуваат првите 10.
Списокот се однесува на актерите кои ги играле главните улоги.
Јохансон глумеше во многу „големи“ филмови надвор од кинематографскиот универзум на Марвел - како што е продолжението „Black Widow“, вклучувајќи ги „Marriage Story“, „Girl with a Pearl Earring“, „Ghost World“ и „Vicky Cristina Barcelona“.
Таа е можеби најпознатото име на листата, бидејќи двапати беше номинирана за Оскар и доби БАФТА за „Marriage Story“. Таа беше номинирана и за Златен глобус во пет наврати.
