Шпанскиот првак во саботата гостуваше кај Мајорка во првиот натпревар по продолжувањето на сезоната, а една фотографија снимена за време на паузата покажа колку всушност значи Лионел Меси во Барселона.
Најдобриот фудбалер во светот беше снимен како им дава упатства на соиграчите, а неговите зборови внимателно ги слушаат и тренерите Кике Сетјен и Едер Сарабија.
„Една фотка, илјада зборови. Кога Меси зборува, сите слушаат“, пишува каталонски Sport и додава дека изразот на лицата на тренерите покажува дека и тие се изненадени од она што им го кажува Аргентинецот.
Меси запиша две асистенции и еден гол против Мајорка. Сезонава вкупно има постигнато 25 гола и 18 асистенции.
