Водениката е прекрасно растение кое може да расте во целосна сенка, па затоа е идеално за украсување на деловите од градината или балконот кои не добиваат многу сонце.
Ја има во бела, розова, портокалова, црвена и виолетова боја, а важно е за време на интензивниот раст (од мај до септември) на секои 15 дена да му се дава течно ѓубриво за цветни растенија.
Расте до 15-30 сантиметри во висина, а ако го засадите во градината, засадете го на растојание од 20 до 30 сантиметри. Треба да се пресадува секоја или секоја втора година, бидејќи не само што ќе биде поубаво, туку ќе има и поправилна грмушка. Цвета цело лето, но понекогаш ќе цвета и наесен.
Не поднесува висока топлина, како и ниски температури. Во лето полевајте го пообилно, 2-3 пати неделно, но никогаш не го прскајте, бидејќи така се оштетуваат листовите и цветовите. Прекрасниот изглед на растението ќе го зачувате со редовно отстранување на исушените цветови и ќе ја намалите можноста за размножување на мувлата.
Ова растение со латинско име Impatiens walleriana потекнува од Источна Африка каде расте во Кенија, Малави, Мозамбик, Танзанија и Зимбабве. Интересно е тоа што може да се одгледува речиси секаде, во различни видови почва, со кисела, алкална или неутрална pH вредност. Се прилагодува на секаква изложеност (сонце, делумна сенка и сенка).
