Класичната настинка не може да ја излечиме, но можеме да ги олесниме симптомите и да се чувствуваме малку подобро.
Веројатно многумина од нас, често кога сме настинати, посегнуваме по лековити напивки, домашни лекови како чаеви, супи, тоници и слично, за да се почувствуваме малку подобро.
Сепак, важно е да се нагласи дека ако веќе земате одредена терапија, од здравствени причини немојте на своја рака да експериментирате со различни билни и природни лекови и суплементи, без претходна консултација со матичниот лекар.
Ова е рецепт за брза подготовка на тоник за подобрување на имунитетот:
Потребни состојки:
-шолја врела, незовриена вода
-околу сантиметар излупен и исечен ѓумбир
-сок од половина лимон
-1/2 лажичка бибер
-1/2 лажичка цимет
-1/2 лажичка каранфилче
-1/2 лажичка куркума
-лажица мед
Начин на подготовка:
Измешајте ги сите состојки во шолјата со вода, оставете да постои 2 до 3 минути. Потоа процедете и пијте го тоникот во текот на денот.
