Направете меки и миризливи вафли со овој едноставен рецепт.
Меките и миризливи вафли се секогаш одличен начин да го започнете денот или да се почестите, без разлика кое време од денот е. Лесно се прават според овој едноставен рецепт и имаат совршена арома на лимон. Одлични се за преливање со мед или чоколаден сируп, а одлично одат со топка од вашиот омилен сладолед.
Толку се вкусни што можеби нема ни да стигнете да ги украсите, бидејќи вашите домашни сигурно ќе ги разграбаат додека сѐ уште се топли.
- 180 гр брашно
- 100 мл млеко
- 200 мл кисела павлака
- 2 јајца
- 4 лажици шеќер
- 1 лажица прашок за пециво
- 30 гр путер
- 2 лимона
- прстофат сол
Измешајте го брашното со прашокот за пециво, посолете и додајте изрендана кора од два лимона. Јајцата се матат со шеќер за да станат со пена, па се додаваат путерот, павлаката, млекото и сок од еден лимон. Сувите состојки додадете ги во јајцата, па сè убаво измешајте со рака. Намачкајте ја машината за вафли со малку масло, добро загрејте ја, па извадете малку тесто и испечете ги вафлите. Дозирајте ја количината на тесто врз основа на големината на уредот. Печете ги вафлите додека не поруменат убаво, околу 3 до 5 минути. Прелијте ги со сируп по вкус и послужете.