Продолжува бранот негативни критики за филмот „Blonde“, инспириран од животот и делото на легендарната актерка Мерилин Монро, кој неодамна беше објавен на Netflix.
Сега се огласи и манекенката, актерка и активистка Емили Ратајковски, која го критикуваше филмот „Blonde“ кој зборува за животот на актерката Мерлин Монро.
„Не сум изненадена што е објавен уште еден филм кој прави фетиш од болката на жените, дури и кога тие се мртви“, рече таа во клипот што го објави на TikTok.
Таа ги наведе Ејми Вајнхаус, Бритни Спирс и принцезата Дијана како примери на жени со кои општествотое е „опседнато“.
„Сите ние всушност правиме фетиш од женската болка. Опседнати сме со мртви девојки и сериски убијци. Можам слободно да кажам дека научив да ја величам болката во мојот живот", додала таа.
