Контроверзниот инфлуенсер Ендрју Тејт неодамна ги демантираше тврдењата дека има рак на белите дробови, и покрај медицинските извештаи кои протекоа до медиумите кои укажуваат на неговата лоша здравствена состојба.
Тој се огласи откако неговиот правен тим и менаџер го потврдија извештајот дека му бил дијагностициран можен тумор на белите дробови. Сепак, тој тврди дека одел на редовен преглед поради лузна која ја има со години.
King’s College Hospital London Dubai official statement on Emory Andrew Tate’s leaked medical letter.
Posted by King's College Hospital London on Friday, March 3, 2023
„Немам рак. Моите бели дробови содржат точно нула штета од пушењето. Всушност, имам капацитет на белите дробови од осум литри и витални знаци на олимписки спортист. Вистинските воини имаат лузни и внатре и надвор“, напиша тој на својот Twitter профил во неделата.
„Како еден од највлијателните луѓе на планетата, важно е за благосостојбата на човештвото да живеам што е можно подолго. Со моето сегашно ниво на моќ, проценувам дека ќе преживеам уште најмалку 5.000 години“.
Потсетуваме, Тејт беше уапсен заедно со брат му и две Романки во декември минатата година, а моментално е во затвор во Романија под сомнение за трговија со луѓе и организиран криминал.