Без разлика дали сте фан на Ноќта на вештерките или не, ако сакате видеоигри, Epic Games имаат одлична вест.
По повод хорор празникот и имајќи предвид дека хорор жанрот ужива голема популарност решија да ги почестат корисниците со две бонус игри - Blair Witch и Ghostbusters Remastered.
Blair Witch е хорор што се појави минатата година, работена по дејството во истоимените филмови, а благодарение на добрите хорор елементи, генерираше многу позитивни реакции од публиката.
Ghostbusters: The Video Game Remastered носи автентично искуство со оригиналнитеактери и приказната од филмовите, а механиката за лов на духови е сè уште уникатна.
Постапката е веќе позната, само треба да поминете низ процесот на преземање на двата наслова и после тоа тие ќе останат во ваша сопственост засекогаш.
Можете да го направите ова преку овој линк до следниот четврток, 5 ноември.
