Обожавателите забележаа дека една епизода од „The Simpsons“, која прикажува сцена на плоштадот „Тјенанмен“, недостасува од Disney+ во Хонгконг.
Во епизодата „Goo Goo Gai Pan“ од 2005 година семејството Симпсон патува во Кина за да посвои бебе. Тие застануваат на плоштадот „Тјенанмен“ во Пекинг, каде што се појавува натпис кој во серијата гласи: „На ова место, во 1989 година, ништо не се случило“.
Станува збор за горчлива шега за познатиот настан од 1989 година кога на плоштадот со месеци се собираа продемократски демонстранти. Според неколку извештаи, таа 12-та епизода од 16-тата сезона на серијата „The Simpsons“ не е достапна на Disney+ за клиентите во Хонгконг.
Ниту Disney ниту Кина не одговорија на барањето на CNN за коментар зошто епизодата не е достапна. Не е јасно дали Кина ја блокира епизодата или од Disney одлучиле да не ја нудат на тој пазар.
Канцеларијата за трговија и економски развој во Хонгконг во соопштението објавено од The New York Times вели дека нејзината неодамна донесена уредба за цензура се однесува на филмовите, a на стриминг platformite, како што е Disney+.
Кина редовно ги цензурира медиумите, а компаниите кои работат во земјата се принудени да ги цензурираат резултатите од пребарувањето за кинеските корисници - особено фотографиите и информациите за демонстрациите на плоштадот „Тјенанмен“ и убиствата што следеа.
Кинеската влада работеше напорно за да ги ограничи фотографиите и извештаите од настанот во 1989 година, сметајќи ги како закана за легитимноста на нејзиното континуирано еднопартиско владеење.
Многу луѓе беа убиени на тој 4 јуни 1989 година на плоштадот „Тјенанмен“. Проценките за бројот на загинати се движат од неколку стотици до неколку илјади. Масакрот се најде на насловните страници ширум светот, пишува CNN.
