Фудбалскиот клуб Евертон доби одобрение од британската влада за изградба на нов стадион во северниот дел на Ливерпул и со тоа веќе нема пречки за почнување на капиталниот проект на клубот.
Претходно, Градскиот совет на Ливерпул му издаде дозвола на Евертон за изградба на нов „стадион на вода“ на локација кај градскиот кеј на реката Мерси.
Клубот претходно соопшти дека бараат локација за изградба на нов стадион веќе 25 години затоа што сегашниот Гудисон Парк има многу ограничувања, особено кога станува збор за проширување на трибините. Новиот стадион треба да има повеќе од 52.000 места.
Проектот за изградба на нов стадион во Евертон вреди половина милијарда фунти и треба да обезбеди работни места за 15.000 луѓе, а се наведува дека треба да биде најмодерниот стадион во цела Велика Британија.
Предвидено е и дополнително обновување на сегашниот стадион Гудисон Парк, каде Евертон игра од 1892 година.
