Заедничката европско-јапонска мисија BepiColombo ги сними првите фотографии за време на првиот лет околу планетата Меркур. Сондата го направи првиот од шесте планирани летови околу Меркур и забави со помош на гравитацијата.
Додека минуваше крај Меркур на надморска височина помала од 200 километри, леталото направи црно-бела фотографија со помала резолуција од една од нејзините камери за надзор.
Европската вселенска агенција (ЕСА) соопшти дека сликата ја покажува Северната хемисфера и карактеристичната површина на планетата и кратерот Лермонт широк 166 километри.
Заедничката мисија на Европската агенција и јапонската Агенција за вселенско истражување беше лансирана во 2018 година. Досега прелета еднаш околу Земјата и двапати околу Венера на патот кон најмалата планета во Сончевиот Систем.
Ќе направи уште пет орбити пред мисијата да забави доволно за да испушти две сонди кои ќе ја проучуваат површината и магнетната сфера на Меркур.
Мисијата е именувана по италијанскиот научник Џузепе „Бепи“ Коломбо, кој е заслужен за развојот на гравитациониот маневар што вселенското летало на НАСА Mariner 10 прв пат го искористи при лет кон Меркур во 1974 година.