Арон Тејлор-Џонсон уживаше во ретко излегување со неговата 24 години постара сопруга Сем, а се појавија на премиерата на филм во Лондон.
Парот беше насмеан додека одеа на црвениот тепих пред премиерата на биографскиот филм за Ејми Вајнхаус налсовен како „Back to Black“, кој го режираше токму Сем.
Дуото остана верно на насловот на филмот и облече целосно црни комбинации за таа пригода. Сем се одлучи за долг црн фустан, кој го спои со црн кожен ремен и штикли.
Арон облече црна кошула и панталони во иста боја, а изгледот го комплетираше со кожна јакна.
Двојката се запозна на снимањето на филмот „Nowhere Boy“ во 2009 година кога тој имаше 18, а Сем 42 години. Се венчаа во 2012 година и сега се родители на Вајлд (13) и Роми Хироу (11), како и на Анџелика (25) и Џеси (15) од првиот брак на Сем. Денес Арон има 33 години, а Сем 57.
Арон неодамна изјави дека критиките на јавноста за 24-те години старосна разлика на парот му се „бизарни“. Во интервју за британското издание на магазинот Rolling Stone, актерот ги потсети фановите дека е „постара душа“ благодарение на неговите детски актерски денови.
Појавувањето на двојката доаѓа откако наводно на Арон „претходно му била понудена“ улогата на легендарниот таен агент Џејмс Бонд. Доколку ја прифати понудата, актерот од „Tenet“ ќе ги преземе уздите од Даниел Крег, кој го глумеше Бонд во вкупно пет филма во траење од 15 години.