ФИФА ги потврди промените кои ќе се случат на следното Светско првенство.
Како што пишува The Athletic, од 2026 година на првенството ќе одат 48 репрезентации наместо досегашните 32.
Во првата фаза ќе има 12 групи со по 4 репрезентации, а понатаму ќе одат сите прво и второпласирани селекции, како и осумте најдобри третопласирани.
Тоа ќе значи дека за 39 дена ќе се одиграат 104 натпревари.
Така, ФИФА ќе добие уште 40 натпревари во своето најголемо натпреварување.
Досега се играа 64 натпревари во формат со 32 репрезентации.
Постоеше и можност сите репрезентации да се поделат во групи од по три селекции, но се чини дека оваа идеја беше напуштена.
Светското првенство го организираат три држави
Од дополнителните 16 репрезентации на светското првенство, 3 места треба да добијат азиските репрезентации, 4 африканските, 2 северноамериканските, 2 јужноамериканските, 3 европските и 1 океанските.
Последниот учесник ќе биде одреден со интерконтинентален бараж.
Европските квалификации ќе започнат во март 2025 година и ќе траат една година.
Светското првенство во 2026 година ќе биде првото во историјата што ќе го организираат три домаќини - САД, Мексико и Канада.
Да потсетиме, досега единствен Мундијал кој имаше повеќе од еден домаќин беше оној во 2002 година кој се одржа во Јапонија и Јужна Кореја.