Меѓународната куќа на фудбалот (ФИФА) реагираше по повод шпекулациите за воведување син картон.
„ФИФА сака да го расчисти прашањето за таканаречениот син картон. Не е точно дека планираме да го воведеме во највисокото фудбалско ниво и сите извештаи за тоа се избрзани. Секое тестирање, доколку се воведе, ќе биде ограничено на тестирање на пониски нивоа. Оваа тема повторно ќе ја отвориме на 2 март“, се вели во соопштението на ФИФА.
Telegraph во четвртокот напиша дека во фудбалот може да се воведе син картон. Тој картон би го покажал судијата доколку мисли дека играчот направил прекршок поради кој треба да го напушти теренот, но не до крајот на натпреварот.
Со синиот картон играчот би бил отстранет од игра на десет минути.
Клучното тело на фудбалот за носење и признавање на нови правила ИФАБ веќе некое време работи на ова правило.
Ова е првпат некој да добие информација дека синиот картон е блиску до реализација во професионалниот фудбал.
