Фудбалската федерација на Македонија денеска ја одреди Струмица за домаќин на овогодишното големо финале во фудбалскиот куп.
По пет години пауза, односно од финалето во 2018, завршницата на Купот на Македонија се враќа во градот под Беласица. Вака денеска одлучи Управниот одбор на ФФМ.
Финалето на 31. издание од Купот на Македонија ќе се игра на 20 мај на стадионот „Благој Истатов“ во Струмица. Ќе се сретнат тимовите на Струга и бранителот Македонија ЃП.
Ова е вкупно четврто финале што ќе се игра во Струмица, на овој ист стадион, но првпат откако го носи новото име. За потсетување, претходно стадионот се викаше „Младост“, а во чест на поранешниот голман и тренер на струмичка Беласица, Благој Истатов, кој почина во септември 2018, беше преименуван да го носи неговото име.
Досегашни финалиња во Струмица:
2002: Победа - Цементарница 55 3:1
2017: Пелистер - Шкендија 0:0 (4:3 пен.)
2018: Шкендија - Пелистер 3:0
2023: Струга - Македонија ЃП
