Рамен стомак е една од главните цели за многу луѓе кои имаат редовна физичка активност.
Нема многу мудрување тука - затегнатиот стомак е резултат на здрава и урамнотежена исхрана и редовно вежбање. Фитнес инструкторката Мери-Елен Сабат вели дека има две вежби кои се особено ефикасни во отстранувањето на салото на стомакот.
„Ова се вежби кои не само што ги таргетираат стомачните мускули, туку ангажираат и неколку други мускулни групи. Тие може да помогнат во подобрувањето на кардиоваскуларната издржливост и согорувањето на калориите, што доведува до целокупно губење на маснотиите“, истакна Сабат.
Станува збор за вежбите mountain climbers и navy seal burpees.
Ставете го телото во класична положба на штица/plank, држете ги рамената и дланките во иста рамнина, префрлете ја тежината на прстите на нозете, држете го грбот исправен и торзото стегнато. Потоа кренете го коленото на едната нога под градите и вратете го на почетната положба. Не смеете да го свиткувате или занишуваате телото, а кога ќе ја спуштите едната нога, истото повторете го и со другата. На почетокот концентрирајте се на правилно извршување на вежбата и постепено зголемувајте го ритамот, за на крајот да изгледа како да трчате во место.
Ако никогаш не сте ја извеле вежбата, првите неколку дена правете ја полека, но правилно, а потоа, кога ќе научите, „трчајте во место“ цела минута. Потоа слободно почнете да ги зголемувате минутите, по половина минута повеќе секој ден. Така, секојдневно ќе ги поместувате границите на вашата издржливост и ќе се зголеми бројот на калории што ќе ги согорите со оваа одлична вежба.
Ова е одлична вежба за брзо слабеење, иако многу луѓе ја мразат. Тоа е движење кое има кардио елемент - го зголемува отчукувањата на срцето и работи на мускулите на нозете, глутеусите, горниот дел од телото, јадрото и грбот. Освен што активираат бројни мускулни групи, со вежбата се согоруваат повеќе калории во минута во споредба со другите вежби.
Вежбата започнува од исправена положба. Од оваа позиција се спуштате во сквот со рацете на подот пред вас. Следното движење е да ги исфрлите нозете зад вас за да бидете во горна положба за склек. Од оваа позиција, направете по една серија mountain climbers, па се враќате во положба за сквот и потоа скокате во воздух за да се вратите во почетната, исправена положба.
