Обожавател на популарната серија „Friends“ по речиси 20 години откри грешка што се провлекла при снимањето.
Станува збор за сцена од 18-тата епизода од 8-та сезона, насловена „The One in Massapequa“ која се емитуваше во 2002 година и во која родителите на Рос и Моника слават 35-годишнина од брак. На забавата се присутни сите, дури и бремената Рејчел.
Во спорната сцена, Џек Гелер, таткото на Рос и Моника, е во кадарот во еден момент, а непознат човек стои на неговото место во следниот момент.
„Кој е типов?“ праша @bronniiieee на TikTok.
@bronniiieee Who is THAT? ##friendstok ##tvbloopers ##tvblooperfound ##whoknew ##trending ##viral ##fyp ##foryou ##xyzcba
♬ There goes the crackhead - Matthew Daniel Gordon
Има логично објаснување за овој пропуст, пишува Digital Spy, и има врска со начинот на кој е снимена серијата.
Спорната сцена е од HD обработената верзија на епизодата, која има формат на слика 16:9 наместо претходната верзија што првично беше снимена во формат 4:3, што значи дека сликата сега е поширока и ќе прикажува повеќе од првично планираното, на пример статисти кои не треба да се најдат во кадар.
Ова не е првпат обожавателите да забележат вакви грешки во омилената серија. И претходно биле забележани статисти наместо веќе добро познатите актери, како на пример девојката која во една сцена ја заменува Рејчел која инаку ја игра Џенифер Анистон.
