Откако минатиот викенд сензационално го совлада Манчестер Сити со 3:2 на гости, Тотенхем синоќа загуби со минимални 1:0 на гостувањето кај Барнли, еден од најслабите тимови во лигата. Затоа и видно погоден беше тренерот Антонио Конте.
„Дојдов да му помогнам на клубот и ако има проблем кај тренерот, подготвен сум да си одам. Не сум навикнат на оваа ситуација. Правам сѐ што е во моја моќ, но ништо не се менува. На располагање му стојам на клубот да направи сѐ што сака“, изјави Конте.
Италијскиот стратег нагласи дека дава сѐ од себе, но дека нема реални резултати.
„Сакам да му помогнам на клубот, работам многу напорно, 20 часа дневно му давам на Тотенхем, а останатите 4 спијам и тоа не е доволно. Настапот може да биде добар, бевме посветени, но загубивме. Тоа е недозволиво. Да се изгубат на 4 од 5 натпревари, тоа мора да биде катастрофа за Тотенхем“, продолжува Конте.
Тотенхем е осми на табелата со 7 бодови помалку од Манчестер Јунајтед, кој го држи последното место за во Лигата на шампионите, но има и два натпревара помалку.
„Дојдов да се обидам да ја поправам ситуацијата. Можеби не сум доволно добар за да го направам тоа во моментов. Премногу сум искрен за да ги затворам очите и да продолжам вака и да земам плата. Нема сомнение дека ќе разговараме со клубот да го најде најдоброто решение за да му помогне на тимот. Вистинско време е да се направи проценка. Повторувам, многу сум фрустриран“, рече Конте.
Да потсетиме, Конте зад себе има 3 титули во Серија А со Јувентус, 1 со Интер, а пред пет години беше и англиски шампион со Челси.
