Една од најголемите спортски двојки реши да го направи следниот чекор во врската.
Кошаркарката на Сиетл Сторм, Сју Бирд, објави фотографија на Instagram од моментот кога нејзината долгогодишна партнерка, фудбалската ѕвезда Меган Рапино, ја запросува клекната на едно колено.
Иако фотографијата нема посебен опис, повеќе од јасно е која е новоста на двете славни спортистки.
„Јас сум геј. Меган ми е девојка. Тоа не е тајна за луѓето кои ме познаваат. Не се чувствувам како да не го живеам својот живот. Мислам дека луѓето имаат некоја претпоставка дека ако не зборуваш за тоа, сигурно се скриеш, како да е тајна. Тоа никогаш не беше така за мене“, изјави Бирд своевремено.
И покрај тоа што професионално играа во ист град долги години, двете се запознале на Олимписките игри 2016 во Рио де Жанеиро, каде Бирд освои златен медал со американскиот тим.
Рапино има 35 години и е по потекло од Калифорнија, а Бирд е родум од Њујорк и има 40 години. Заедно се официјално од 2017 година, а ова ќе биде прв брак и за двете.
Врховниот суд на САД на 26 јуни донесе историска одлука да се легализираат истополовите бракови во сите 50 американски држави.
