Фудбалската федерација на Македонија воведе измени во терминот на одигрување на фудбалските натпревари поради новите епидемиолошки мерки поврзани со коронавирусот.
Натпреварите во Првата македонска фудбалска лига, двете второлигашки групи Исток и Запад, како и мечевите од Купот на Македонија ќе се играат со почеток од 13 часот.
„Комисијата за натпревари на ФФМ поради засилувањето на антиковид-мерките од страна на Владата и воведување на полициски час на територијата на цела држава со почеток од 20 до 5 часот наутро одлучи сите натпревари во сениорска конкуренција од 1.МФЛ, 2.МФЛ Исток и Запад и Куп на Македонија да започнуваат од 13 часот“, соопшти ФФМ.
