Архитектите Нина Толструп и Џек Мама реконструираа поранешна такси канцеларија од само 13 метри квадратни, земајќи инспирација од дизајнот на кампер возила и помали јахти.
Минијатурните станови од само неколку метри квадратни станаа секојдневие во бројни светски метрополи каде што трошоците за живот се високи, а побарувачката е исклучително висока.
А Лондон е еден од тие градови.
Сепак, мал стан не мора да биде синоним за пренатрупан простор каде што не можете да се движите. Тоа го докажа архитектонското студио Studiomama кое реши да реновира минијатурна еднокатна куќа во Ислингтон, северен Лондон, и да ја претвори во удобно место за живеење.
Архитектите Нина Толструп и Џек Мама реконструираа поранешна такси канцеларија од само 13 метри квадратни, земајќи инспирација од дизајнот на кампер возила и помали јахти. Иако многумина веруваат дека ова е најмалата куќа во Лондон, сепак има простор за бања со тоалет, кујна со трпезарија, спална соба, па дури и простор за работа и релаксација.
Тајната се крие во мултифункционалниот мебел од иверица кој се прилагодува на потребите. Големиот плакар, на пример, крие кревет на склопување кој може да се подигне и спушта по желба.
Трпезариската маса со клупа за две до четири лица може да се прошири и да се претвори во место за ручек за шест лица. Од шкафот можете да извадите и стоечко биро, кујнска површина за сечкање зеленчук и клупа за истегнување на нозете по долг работен ден.
Ова место изгледа како пријатно место за живеење благодарение на големите прозорци низ кои влегува многу дневна светлина, како и на неутралните бои на мебелот.
