Лидерот на ВМРО-Народна партија, Љубчо Георгиевски, во објава на социјалните мрежи му упати порака на својот поранешен сопартиец Никола Груевски дека сè што тој му правел нему сега му се враќа.
„Порака до Груевски: Сè што ми направи мене, сега ти го прават тебе. По учебникот што им го остави. Само очигледно тие што ми беа лојални беа далеку помногубројни“, пишува Георгиевски.
Упатува порака и, како што вели, до ВМРО-Шумадија.
„Порака до ВМРО-Шумадија: Многу мал чекор треба да направите за да му помогнете на вашиот довчерашен лидер, што единаесет години ви даваше власт“, вели Георгиевски.
„Да им помогнете на уште петнаесетина ваши сопартијци, кои лежат во затворите вклучувајќи ги и од 27. Да ѝ помогнете на Македонија на патот до Европа“, порачува поранешниот лидер на ВМРО-ДПМНЕ.
