На Netflix наскоро ќе пристигне документарната серија за животот на 27-годишната Георгина Родригес, девојката на славниот фудбалер Кристијано Роналдо. Во неа ќе открие различни детали од нивниот приватен живот.
„Многумина го знаат моето име, но малкумина од нив знаат која сум“, вели Георгина.
Со Роналдо се има запознаено случајно, додека работела како продавачка во бутик во кој влегол тој. Оттогаш, нејзиниот живот е целосно променет.
Денес, таа е еден од најпознатите Instagram модели, а нејзината врска со Роналдо е главна тема во таблоидите. Во најавата за документарецот, таа откри каков е Роналдо надвор од теренот.
„Кристијано е одличен татко и партнер, подобар не можам да замислам. Не готви, но по сè што прави заслужува на маса да го чека јадење подготвено со многу љубов. Имаме готвач, но понекогаш готвам и јас. Кога не е дома си дозволувам некои јадења кои тој или не ги сака или не ги јаде. Вистина е дека понекогаш јаде пица, но тоа е еднаш неделно по што напорно вежба. Сакам да го изненадам со јадења кои ги сака, но сепак сите можеме да се најадеме кога го нема па понекогаш едвај чекаме да оди некаде“, раскажа таа.
Документарната серија „Soy Georgina“ пристигнува на Netflix на 27 јануари.
