Неверојатна вест денеска објавија германските медиуми, бидејќи Германскиот фудбалски сојуз (DFB) реши да го раскине договорот со гигантот за спортска облека и опрема Adidas.
Ова ќе биде крај на најпознатата соработка од оваа форма досега, што се однесува до фудбалските тимови, а трае од 1950 година.
Договорот на DFB со познатиот германски бренд, кој важи за еден од двата најголеми во светот кога е во прашање производството на спортска опрема, ќе биде раскинат во 2027 година, кога ќе бидат комплетирани 77 години соработка!
Adidas е познат германски бренд кој е основан во 1924 година, а во јули слави еден век постоење.
И DFB му зададе многу болен удар на Adidas, бидејќи по 2027 година германскиот фудбалски тим ќе го облекува Nike.
Тоа е најголемиот ривал на Adidas во областа на производство на спортска опрема, кој доаѓа од Америка.
Така, на Светското првенство во Америка, Канада и Мексико во 2026 година, Германија за последен пат ќе ја видиме во опрема на Adidas на едно големо натпреварување.