Крими трилерот Burning Body пристигна на Netflix пред десет дена и ги воодушеви гледачите.
Приказната е сместена во Барселона, а ја следи истрагата за убиството на полицаецот чие изгорено тело е пронајдено во автомобил.
Наскоро се открива дека сопругата на полицаецот и нејзиниот љубовник се сметаат за првоосомничени. Ова откритие предизвикува јавен интерес и мрежата на токсични врски, измами, насилство и сексуална експлоатација на жртвата почнува да се разоткрива.
„Приказната за љубовниот триаголник кој тргна наопаку ја следи насилната и вжештена врска помеѓу жртвата и неговите потенцијални убијци“, се вели во синопсисот на Netflix.
Во режија на Хорхе Торегрос (Intimacy, La Vida Inesperada), Burning Body е заснован на вистинска приказна, а главните улоги ги толкуваат Урсула Корберо од Money Heist, Ким Гутјерез и Ева Лорах.
Реакциите на гледачите се фантастични.
„Burning Body е феноменална серија. Секоја нова епизода е подобра од минатата“, „Одлична серија, тешко е да престанеш да ја гледаш“, „Ако си љубител на крими приказни, почни да ја гледаш Burning Body и заблагодари ми се подоцна“, се некои од коментарите.
Серијата е целосно снимена во Барселона, Шпанија, каде што во 2017 година се случи случајот со убиство во реалниот живот што ја инспирираше серијата. Снимањето започна во септември 2022 година и заврши во февруари следната година.
