Носталгичниот Хулк Хоган во последно време постојано споделува детали кои го потсетуваат на времето кога бил на врвот на славата.
„Тренирај, пиј витамини, моли се и верувај во себе“ гласи неговото мото, а најновата објава му е снимка од тренинг кој бил карактеристичен пред 30 години.
Од снимката се гледа како прави неколку класични вежби.
„Стандардна процедура, брате“, пишува во описот на објавата на Instagram.
Во тоа време било многу поважно фокусирањето на кревање тешки тегови наместо на правилната техника. Но, превенцијата од повреди денес е приоритет и за самиот Хоган кој има 68 години и неколку операции зад себе.
Тој се уште напорно вежба во теретана, ги зголеми бицепсите и достигна тежина од 125 килограми.