Утрово на плажа во сојузната држава Нов Јужен Велс животот го загуби искусен сурфер откако бил нападнат и гризнат од ајкула.
Човекот на возраст од 50-ина години бил гризнат во пределот на бутот од голема бела ајкула. Според извештајот на полицијата, ајкулата била 4,5 метри долга.
И покрај обидите за реанимација, сурферот починал на лице место.
„И покрај сите напори на службите за итни случаи и очевидците кои се најдоа на местото на настанот, човекот не можеше да биде спасен“, соопшти локалната Служба за итни случаи.
Нападот се случил околу 11 часот во водите на северниот брег на Нов Јужен Велс, крај плажата Танкари Бич, Југоисточна Австралија.
Дури осуммина беа убиени во австралиските води текот на минатата година поради напад на ајкули. Тоа ја прави 2020 година најсмртоносна по 1934.
Ова е прв регистриран смртен случај поради ајкула годинава. Во јануари маж исчезна во водите на Викторија, а потоа беше најдел неговиот искинат спасувачки елек, но случајот не е заведен како напад на ајкула бидејќи нема конкретни докази за такво нешто.
