Голманот на норвешкиот прволигаш Викинг, Патрик Гунарсон, е во центарот на спортски скандал откако се објавени неколку видеа на кои е прикажано како ги поместувал стативите и го намалувал голот за 15 до 20 сантиметри.
Дваесет и едногодишниот фудбалер од Исланд пред секој домашен натпревар го смалувал својот гол. Гунарсон, откако помошниот судија би ја прегледал мрежата, ги поместувал стативите намалувајќи го голот за 15 до 20 сантиметри.
Овој ритуал се покажал како корисен за фудбалерите на Викинг. По 11 натпревари клубот е на третото место во првата лига со 21 бод. На домашен терен клубот прими само два гола, по што се втора најдобра екипа во лигата.
По пишувањето во норвешките медиуми, покрената е истрага против младиот голман.