Репрезентативецот на Камерун со својот автомобил одел на тренинг кога учествувал во сообраќајка.
Андре Онана е во Кмаерун каде се подготвува за важниот бараж натпревар за пласман на Мундијалот во Катар против Алжир. Од главниот град Јаунде, каде со авион пристигнал од Амстердам, се упатил кон градот Дуала каде репрезентацијата се собира на подготовки, а по пат учествувал во судирот.
Сообраќајката се случила утринава и за среќа нема загинати, а Онана се извлекол со ситни повреди. Тоа е добра вест за селекторот Ригобер Сонг бидејќи голманот на Ајакс е прв избор во камерунската репрезентација.
Како што се гледа од снимките, двете возила се добро уништени.
Онана зимава силно се поврзуваше со трансфер во Интер, но засега договор не е постигнат. Во Италија сѐ уште владее мислењето дека Онана во јуни сепак ќе потпише со Интер како замена за Самир Хандановиќ кој пружа сѐ послаби и послаби партии. Неговиот договор со Ајакс истекува токму во јуни.
