Компанијата Google ќе исплати 2,6 милиони долари за повеќе од 5.500 вработени и кандидати за вработување, а кои се соочиле со наводна системска дискриминација во платите и вработувањето.
Утврдено е дека платите на жените на позицијата софтверски инженер биле помалку платени. Покрај тоа, идентификувани се и разлики во процентот на вработување што ги довело женската популација и азиските кандидати во неповолна положба кога станува збор за позицијата инженер во Google.
Компанијата се согласи да исплати 1.4 милиони долари заостанати плати и камати за 2.565 вработени инженери поради дискриминација во платите, како и 1.2 милиони за 1.757 пријавени жени и 1.219 азиски кандидати кои не биле ангажирани на работното место инженер.
Разликите во платите кои се однесуваат на вработените на работното место софтверски инженер се откриени во текот на рутинска оцена, се наведува во соопштението на Одделот.
„Дискриминацијата во платите и понатаму е системски проблем, работодавачите мора да спроведуваат редови ревизии за да се осигурат дека нивните системи промовираат еднакви можности“, вели Џени Р. Јанг, директорка на Уредот за сојузна програма за почитување договори.
