Градот Љеида во Каталонија е првиот град во Шпанија во кој се вратени рестриктивните мерки. Градот е ставен под карантин за да се спречи ширењето на коронавирусот.
За 140.000 жители на Љеида и 7 општини во регионот Сегрија е издадена наредба да останат дома за да се спречи ширењето на вирусот. Жителите можат да излезат само за да купат храна или да одат во банка, пишува Metro.
На повеќето жители им е наредено да работат од дома, а другите имаат посебна дозвола за работа надвор од дома.
Откажани се сите венчавки, а рестораните работат само со достава. Во изминатите 24 часа во Каталонија се регистрирани 816 нови случаи, од кои 190 се во регионот Сегрија.