Од „Шанса за Центар“ реагираат дека додека урбанистите ги изложуваа новите урбанистички планови за Кале, Парк 2 и Француски гробишта, на една од парцелите на која тие во планот предвиделе да биде јавен паркинг се подигнува објект.
„Жители на улицата Самоилова постојано известуваат дека и покрај тоа што е пријавено во Општина Центар и инспекциските служби активностите не запираат и објектот секој ден расте.
Шанса за Центар исто така ги препрати нивните наоди и фотографии до надлежните служби, но како и вообичаено, нема никаков одговор.
Неуспехот во спречување на нелегалното градење ги обезвреднува сите обиди за квалитетно планирање на просторот и спроведување на законите пред кои сите граѓани треба да се еднакви. Неспроведувањето на законите сигурно не нѐ води кон правна држава туку кон правилата на џунглата во која царуваат најсилните и оние со најмногу врски и моќ“, реагираат тие.
Додека урбанистите ги изложуваа новите урбанистички планови за Калето, Парк 2 и Француски гробишта , на една од...
Posted by Шанса за Центар on Wednesday, September 21, 2022
Граѓанската иницијатива Шанса за Центар и нејзините советници веќе изработија мапа на издадени и побарани градежни дозволи на територијата на општината.