Новата серија за д-р Фрејжр Крејн веќе се емитува, но фавовите засега се разочарани што никој од оригиналните ликови се нема појавено, особено неговиот брат д-р Најлс Крејн.
Дејвид Хајд Пирс заедно со Келси Грамер, Џон Махоуни, Пери Гилпин и Џејн Ливс ја прославија серијата „Frasier“ која траеше цели 11 сезони. Сега веќе се емитува истоимено продолжение на „Frasier“ каде омилениот психијатар се преселува во Бостон и почнува авантура како професор на престижниот Универзитет „Харвард“.
Иако новиот ситком има интересни ликови, како Алан кој го глуми британскиот актер Николас Линдхрст, сепак носталгијата на фановите во секој момент очекува појавување на некои ликови од оригиналната серија. Се разбира, Џон Махоуни почина во 2018, па Марти Крејн нема да се врати.
Ликот на Најлс, братот на Фрејжр, беше еден од најпопуларните во оригиналната серија, но за жал уште од сега се знае дека тој нема да се појави во продолжението. Грамер откри и зошто.
„Дејвид едноставно одлучи дека не е заинтересиран да ја репризира улогата на Најлс“, рече Грамер говорејќи за People.
Без Најлс нема да ја има ниту Дафни (Џејн Ливс), бидејќи има малку логика таа да се појави без нејзиниот сопруг. Но, да оставиме мала резерва бидејќи од првата епизода во новиот „Frasier“ е нивниот син Дејвид Крејн (Андерс Кит). Можеби некогаш ќе дојде да го посети својот син, зошто да не?
Потврдено е дека улогите ќе ги репризираат два лика од оригиналната серија, но не како редовни туку како гости. Тоа се Пери Гилпин како Роз Дојл и Биби Њуврт како д-р Лилит Стрнин, поранешната сопруга на Фрејжр и мајка на Фредерик Крејн, кој исто така е во серијата од првата епизода (го игра Џек Катмор-Скут).