Украинската армија соопшти дека еден нејзин член е убиен како резултат на повреди од шрапнел од граната.
Еден украински војник е убиен во судирите со руските бунтовници во Источна Украина, соопшти украинската војска.
„Како резултат на гранатирањето, еден украински војник доби смртоносна рана од шрапнел“, соопшти заедничката воена команда за Источна Украина.
Претходно, претседателот на самопрогласената Народна Република Доњецк, Денис Пушилин најави општа мобилизација.
„Ги повикувам моите сонародници кои се резервисти да дојдат во воените комесаријати. Денеска потпишав указ за општа мобилизација“, рече Пушилин во видео-пораката до граѓаните.
Лидерот на ЛПР, Леонид Пасечник, издаде слична наредба за мобилизација.
„Да се прогласи општа мобилизација на територијата на Луганската Народна Република. Веднаш информирајте го Народниот совет на ЛНР, Владата на ЛНР за најавата за мобилизација“, се вели во документот објавен на веб-страницата на шефот на Републиката.
Ноќта на истокот на Украина помина со меѓусебни артилериски дуели, додека пред зори следеше затишје.