Прекинот на воздушните и морските поврзувања на Грција со Северна Македонија, Албанија и Турција, како и одлуката што се однесува на копнените граници се продолжуваат до 15 август 2020 година, соопшти попладнево заменик-министерот за цивилна заштита на Грција, Никос Хардаљас, јави дописничката на МИА од Атина.
Денеска истекува одлуката од 15 јули за привременото ограничување на сите авионски, железнички и копнени поврзувања со Северна Македонија, Албанија и Турција, која сега е продолжена за уште 15 дена.
Тоа значи дека македонските граѓани најмалку до 15 август нема да можат да одат во Грција. Потоа, разгледувајќи ја новата епидемиолошка ситуација во земјава, грчките власти ќе донесат нова одлука, дали ја продолжување на истата или за укинување.
За потсетување, Европската Унија донесе одлука за забрана на влез на граѓаните од земјите на Западен Балкан до 1 септември.
