Заборавете на малите ноќни закуски пред спиење.
Студија спроведена на 854 Британци покажа дека грицкањето после 21 часот може да биде многу лошо за нашето здравје.
Од доброволците било побарано да го забележуват секој залак што го јаделе четири дена. Потоа беа анализирани нивните нивоа на шеќер во крвта, поврзани со ризикот од дијабетес тип 2 и нивоата на масти во крвта, поврзани со ризикот од срцев и мозочен удар.
Луѓето кои јаделе после 21 часот имале полоши резултати од оние кои легнале без да грицнат нешто доцна навечер.
„Чоколадо и чипс најчесто се јаде доцна навечер. Но, има докази дека јадењето после 21 часот не е синхронизирано со нашиот телесен часовник, што може да влијае на метаболизмот. Исто така, не му даваме на телото многу време да се опорави после јадење", вели една од авторките на студијата, д-р Сара Бери од Кралскиот колеџ во Лондон.
Студијата беше претставена на годишниот состанок на Американското здружение за нутриционистичка исхрана 2023 година. Откри дека најмалку 95 отсто од луѓето имаат една закуска дневно. Просечниот број на закуски е 2,3. Закуската е најпопуларна подоцна во текот на денот. 50 отсто од испитаниците грицкале помеѓу пладне и 18 часот, а 31 отсто после 18 часот. Само 13 проценти грицкале до пладне.
Исто така, покажа дека грицките не влијаат на нивото на шеќер и маснотии во крвта на оние кои избрале здрава храна, како што се овошје, јаткасти плодови и обичен јогурт. Ова докажува дека изборот на здрави грицки е лесен начин за подобрување на нашата исхрана.