За ручек ви предлагаме да го пробате рецептот за гулаш со модар патлиџан и леблебии.
Ако сте вегетаријанец или на диета, но и ако сакате само добро да се храните, тогаш ова е одличен рецепт за вас. Станува збор за јеменско јадење кое се прави без месо, но е многу вкусно. Ни личи на гулаш без месо, па затоа го нарековме така. Се прави од модар патлиџан и леблебии, како и многу ароматични и пикантнии зачини кои му даваат посебен вкус. За да го подготвите овој гулаш не треба да потрошите многу пари, а ќе им успее и на почетниците во кујната.
Потребни состојки:
- 1 шолја леблебии
- 600 гр модар патлиџан
- 3-4 компири
- 1 лажичка лук во прав
- 1 лажичка кромид во прав
- 2 лажички блага пипер
- 1 голем кромид
- 5 чешниња лук
- 1 лажичка рендан ѓумбир
- 1 лута пиперка
- 3 лажици доматна паста
- 350 гр домати
- 1 лажичка коријандер
- 1 лажичка ким
- 1 лажичка лута буковска пипер
- 1 лажичка куркума
- свеж коријандер
- путер
- сол
- бибер
- масло
Подготовка:
Леблебиите натопете ги преку ноќ, па следниот ден процедете ги. Ставете ги во тенџере и прелијте ги со вода, па покријте и варете ги околу 40 минути. За тоа време модртиот патлиџан и компирите исечкајте ги на коцки, па наредете ги во плех обложен со хартија за печење. Посолете, побиберете, па посипете со лук во прав, кромид во прав, една лажичка блага пипер и измешајте. Пече во загреана рерна на 200°C околу 25 минути.
Во длабока тава на малку масло пропржете ситно сечкан кромид, а кога ќе омекне додадете сечкан лук. Добро измешајте, па додадете ја целата лута пиперка и доматната паста. Динстајте 2-3 минути, па додадете домати, сол, бибер, коријандер, ким, лута буковска пипер и куркума. Добро измешајте, покријте и динстајте уште 5 минути. Потоа во тој сос додадете леблебии, модар патлиџан и компири и прелијте со водата во која ги варевте леблебиите. Промешајте, покријте и варете уште 10 минути.
Посипете со сецкан свеж коријандер и сипете во чинија, па прелијте со стопен путер зачинет со блага или лута црвена пиперка. Можете да го јадете со леб или варен ориз.
