Новиот Santa Fe ќе се нуди во комбинација со plug-in хибриден погон.
Од Hyundai го подготвија новиот Santa Fe за кој велат дека е темелно редизајниран модел од четвртата генерација, но се чини дека од јужнокорејската автомобилска компанија отидоа чекор понатаму бидејќи овој SUV е базиран на нова платформа.
На првата официјална фотографија на Hyundai е откриено лицето на новиот Santa Fe на кој се истакнуваат дизајнираните дневни ЛЕД светла, а на новата платформа овој SUV ќе се понуди со повеќе погонски опции, меѓу кои е и plug-in хибридна верзија.
Од Hyundai истакнуваат дека новата платформа ќе го направи Santa Fe да биде посигурен и побезбеден автомобил, а првите примероци во европските продажни салони ќе пристигнат во септември.
