Играчот на Челси ги изненади сите кога единствено тој од целиот негов тим почна да не клекна пред почеток на натпреварите, а вели тоа го направил без да им каже на соиграчите.
Челси со импресивни 3:0 го среди градскиот ривал Тотенхем, а еден детаљ од почетниот свиреж го фати окото на љубопитната јавност. Имено, шпанскиот лев бек втор пат не клекна како што направија сите негови соиграчи, гест со кој играчите на Островот се солидаризираат во борбата против расизмот. Првиот пат остана на нозе против Зенит во Лигата на шампионите, а тогаш и мнозинството играчи од рускиот тим го следеа неговиот пример.
„Јас навистина сум против расизмот и против било каков вид на дискриминација. Но, едноставно преферирам да го ставам прстот на значката на која стои 'No To Racism', како што се прави во други спортови и во фудбалот во други земји. Преферирам да го користам тој начин, а се разбира, кажувам кристално јасно дека сум против расизам и ги сите почитувам“, објаснува Алонсо за неговиот потег.
Маркос Алонсо настапува заедно со неколкумина фудбалери со црна боја на кожата како што се Антонио Ридигер, Н'Голо Канте, Рис Џејмс и Ромелу Лукаку, а сите тие во последно време се жалеа дека се мета на расистички напади. Тој откри и дека за неговата одлука не се консултирал со никого.
„Не, немаме зборувано за тоа. Во соблекувалната ние сме како семејство. Имам добар однос со сите, ги сакам сите и сѐ досега не сме разговарале на таа тема“, додава тој.
„И мислам дека нема ни потреба за такво нешто, но секако, доколку треба да разговарам со некого, ќе му го кажам истото што го кажувам и сега и не верувам дека ќе има проблеми“, заврши Алонсо.
Играчите во Премиер лигата почнаа да клечат пред секој натпревар откако продолжи прекинатата сезона минатата година поради пандемијата, а во знак на поддршка на движењето „Black Liver Matter“ по смртта на Џорџ Флојд во САД. Дури и англиската репрезентација го наследи овој тренд.
Но, Англичаните наидоа на жестоки критики и куп исвиркувања, особено за време на ЕУРО 2020 кога речиси никој освен останатите островски репрезентација не се вклучи во гестот со клекнување, а публиката насекаде ги свиркаше. Свирежи од дел од публиката често добиваат и на стадионите во Премиер лигата.
