Министерот за здравство излезе со официјалните бројки на новозаразени во последните 24 часа. Бројката и натаму е висока.
Во последните 24 часа се направени 1.045 тестирања, а регистрирани се 164 нови случаи на COVID-19. По градови:
- Скопје 85
- Куманово 24
- Дебар 3
- Штип 5
- Прилеп 3
- Тетово 18
- Струга 5
- Охрид 9
- Гостивар 2
- Гевгелија 1
- Крива Паланка 1
- Кочани 1
- Македонски Брод 1
- Валандово 1
- Свети Николе 2
- Ресен 2
- Неготино 1
Починати се две лица од Скопје и Тетово. Во ГОБ „8 Септември“ почина пациентка од Скопје (53г) хоспитализирана како сомнителна на корона на 2 јуни и потврдена позитивна по приемот. Во болницата во Тетово почина пациентка (60г) хоспитализирана како сомнителна на корона на 9 јуни.
На Инфективната клиника во изминативе 24 часа примени се 16 нови, а вкупно хоспитализирани 93 пациенти. На кислородна поддршка се 44 пациенти, нема пациенти на механичка вентилација. До утрово, во ГОБ „8 Септември“ примени се 16 нови, а вкупно хоспитализирани 60 пациенти. На респираторна машина се 10, a со потешка клиничка слика се уште 11 пациенти.
Во болницата во Битола се хоспитализирани 25 пациенти, а на домашно лекување преку болницата се следат 2 пациента. Во болницата во Штип се хоспитализирани 23 пациенти. На инфективните одделенија во Тетово, Охрид, Велес, Куманово и Прилеп се хоспитализирани 31 пациент - позитивни и сомнителни на COVID-19.
Денеска Институтот за јавно здравје регистрира 12 оздравени пациенти, во:
- Скопје 3
- Прилеп 6
- Струга 1
- Велес 1
- Виница 1
Досега во земјата се направени вкупно 41.049 тестирања на COVID-19. Денеска нема тестирања во рамките на скринингот.
