Славната актерка Моника Белучи објави низа фотографии од доделувањето на наградата „Maria Callas Monaco Gala“, а многумина ја критикуваа поради претераната употреба на Photoshop.
Италијанската актерка, позната по природната убавина, на фотографиите позира во долг фустан комбиниран со елегантен накит. Но, многумина забележаа дека фотографиите се уредени.
„Зошто толку Photoshop за неа?“, гласи еден коментар кој собра стотици лајкови. „На твоите фотографии не им требаат филтри. Ти си преубава и без нив“, се сложија други. „Ти се преубава, нема потреба лицето да го уредуваш со апликации“, порачаа обожавателите.
Претходно, 57-годишната актерка беше фалена поради нејзината природна убавина и достоинствено стареење, бидејќи, колку што е познато, досега нема правено естетски корекции.
Таа досега истакнуваше дека се гордее со брчките.
„Тие се само доказ дека во животот сте успеале да ги совладате сите препреки. Брчките се нашите лузни“, изјави убавата актерка во претходно интервју.