Шпанскиот селектор им нареди на играчите да изведат по 1.000 пенали за добро да се извежбаат, а на крајот загубија од Мароко на пенали и тоа без да реализираат ниту еден удар од белата точка.
Селекторот на Шпанија, Луис Енрике им наредил на своите играчи да изведат најмалку 1.000 пенали за да дојдат подготвени во Катар, но по изведување на пенали го завршија настапот на Мундијалот.
Како и на Европското првенство лани, пеналите повторно беа кобни за Шпанија, овој пат на Мундијалот во Катар. Лани тоа беше Италија, а сега Мароко беше подобар.
Интересно, Шпанците ги промашија сите три пенали против Мароко. Поради сето ова, бизарно е што Луис Енрике им наредил на своите играчи да изведат по 1.000 пенали пред да пристигнат во Катар.
Изјавата брзо стана вирална откако Шпанија беше исфрлена на пенали.
„Претпоставувам дека сите играчи ме испочитуваа. Пред една година во шпанскиот тренинг-камп им наредив дека до Катар сите треба да изведат 1.000 пенали. Ако почекате да дојдете овде на Светското првенство и да вежбате, нема да биди доволно“, рече Енрике на една од прес-конференциите во Катар.
Додаде дека пеналите имаат сè помалку среќа, бидејќи голманите имаат сè поголемо влијание.
„Тоа е момент на максимална напнатост, време да ги покажете своите нерви и да можете да го изведете пеналот на начин што сте решиле, ако сте го извежбале илјада пати. Можете да тренирате, контролирате и управувате со тензиите. Има сè помалку среќа бидејќи голманите имаат сè поголемо влијание“, додаде Енрике.
Но, ниту тие 1.000 пенали не беа доволни за да се постигне барем еден гол во пенал-рулетот. Промашија Пабло Сарабија, Карлос Солер и ветеранот Серхио Бускетс.
