Милан денеска соопшти дека Златан Ибрахимовиќ подлегнал на операција на левото колено по што сега го чека долга пауза.
Златан Ибрахимовиќ сезонава го мачеа повреди и поради тоа не се наигра играјќи 23 натпревари во Серија А од можни 38, а во последно време само влегуваше од клупата при крајот на натпреварите. Последниот натпревар на кој беше стартер и воедно на кој одигра 90 минути беше на 17 јануари.
Новиот италијански шампион соопшти дека 40-годипниот ветеран направил антроскопска операција на левото колено во болницата Жан Мермоз во Лион. Д-р Бертран Сонери-Коте ја извршил операцијата во присуство на клупскиот доктор Стефано Мацони.
Милан тврди дека оперативниот зафат бил закажан долго време, и додаде дека напаѓачот нема да се врати на терен за најмалку 7 месеци, а најмногу 8. Токму оваа операција излезе и дека е причината поради која Ибра го одби повикот на репрезентацијата на Шведска за настап во претстојната Лига на нации.
Ибра ги одигра последните 18 минути на натпреварот со Сасуоло со кој се спушти завесата во Серија А, а потоа и го крена пехарот, популарното Скудето.
Согласно прогнозите Ибра на зелениот терен би требало да се врати некаде во јануари 2022 година, кога веќе ќе има наполнето 41 година. Италијанските медиуми тврдат дека операцијата нема да влијае на тоа Милан да му понуди нов договор на Швеѓанецот.
