Очигледно е дека Златан Ибрахимовиќ во првите денови од пензионирањето не е повлечен, со оглед на тоа што често можеме да го видиме во разни спортски активности, што беше случај и сега.
Откако пред некој ден играјќи падел го покани Ѓоковиќ да се соочи со него во овој предизвик, легендарниот напаѓач на шведската репрезентација реши да се обиде со друг спорт.
Популарниот Ибра сподели фотографија со големиот ММА борач Хамзат Чимаев, кој важи за еден од најдобрите во полусредна категорија во УФЦ, и со кој тренираше.
Чимаев е 29-годишен родум од Чеченија, кој исто како Златан има шведски пасош, а прекарот му е Борз, што во превод од чеченски значи „волк“.
Познат е по својата особена бруталност кон противниците и трипати беше шампион на својата земја во овој спорт. Чеченецот има биполарно растројство, поради што има чести промени во расположението.
„Волкот не настапува во циркус“, напиша Ибра во свој стил покрај фотографијата со Чимаев.
Одамна е познато дека Ибрахимовиќ е голем вљубеник во боречките вештини, кои своевремено ги тренираше.
Уште пред 25 години се стекна со црн појас во теквондо, што, како што вели, многу му помогнало во постигнувањето на некои спектакуларни голови во неговата блескава кариера.